Knock Knock!
Who’s There?
Kalikasan!
Kalikasan Who?
Mga kababayan ko
Dapat na malaman niyo
Sira na ang kalikasan niyo
Ang gumawa ay pilipino!
Hoy ikaw, oo ikaw, ikaw na nagbabasa nito! Alam mo bang malapit ng
mawala ang likas na yaman natin dahil sa kagagawan mo?! Lahat tayo ay may
kasalanan sa pagkasira ng kalikasan natin at ang bawat isa sa atin ay dapat
gumawa ng aksyon upang mabawasan o mas maganda ay matigil na ang pang-aabuso at
pagkaubos ni inang kalikasan. Alam naman nating lahat na may pang araw – araw
tayong pangangailangan, pero kung sobra na ang mga kailangan at gusto mo, NAKO!
Pano naman ang kalikasan natin? Edi sira na siya ngayon? Hindi lang yung
ordinaryong sira ah, sirang sira talaga siya. Kung ganito ang gagawin at
uugaliin ng bawat tayo, sayang lang ang biyaya sa atin ng diyos at ng kalikasan
at kung patuloy nating gagawin ito ay kakailanganin natin ng 5 mundo para
lamang matugunan ang mga gusto at pangangailangan natin. Marami naman tayong
maaaring gawin upang mapanatili at mapayabong pa ang likas na yaman natin. Isa
na rito ang simple ngunit epektibong pamamaraan, ito ay ang pagtatanim ng puno
at halaman, dahil alam naman natin na ang puno ang pinakaimportanteng parte ng
kalikasan. Ang ilan pa sa mga pwede nating gawin ay iwasan na ang paggamit ng
sasakyang nagbubuga ng usok o kahit anong aktibidad na may kinalaman sa usok
dahil sinisira nito ang ating ozone layer na nagdudulot ng global warming kung
kaya’t sobrang INIT ngayon!. Itong paraan na ito na siguro ang pinakamainam na
gawin upang hindi tuluyang masira ang kalikasan, ito ay ang pagRerecycle. Dahil sa
pagrerecycle, maiiwasan natin ang pag-aaksaya ng mga likas na yaman at
maiiwasan din ang pagtatapon sa maling lugar na maaring magdulot ng polusyon na
nagdudulot ng baha, pagbabara sa mga estero at kanal, atbp. Dapat na ring
itigil at ipagbawal ang illegal logging, dynamite fishing, muro – ami, atbp.
Dahil ito ang mas higit na sumisira sa ating kalikasan. Kung sisimulan mo tong
mga ganitong gawain ay sinusiguro ko sa iyo na tatagal pa ang mundo natin at
magagamit pa ng magiging mga anak mo! Tandaan mo, ikaw, ako ang mismong simula
ng pagbabago! At kung lahat tayo ay magtutulong tulong at gagawin ito, hindi na
maabuso at masisira ang inang kalikasan. Nako! Patapos na ako, sabihan mo na
lang lahat ng mga kakilala mo na maging makakalikasan at ibigay mo ang mga
payong ito para lahat tayo, happy! Ikalat mo ito ha :D
Walang komento:
Mag-post ng isang Komento