Kalikasan, kapaligiran, sama-sama nating linisin at sagipin. - Antoine Fabian

Unang-una, bilang mga tao, tayo ay nilikhang Panginoon para pag-ingatan lahat ng kanyang nilikha. Ayon sa Bibliya, ang tao ang pinakahuling ginawa ng Panginoon. Sa aking palagay, kaya tayo ihinuli ng Panginoon ay para Makita na natin ang lahat ng produkto na kanyang nagawa at para pag-ingatan at pagyamanin na lamang natin ang mga ito. Ikalawa, pagbaha, pagguho ng lupa, kanino dapat isisi? Sa mga mamamayan ba o sa mga opisyal ng ating gobyerno? Siguro, gobyerno ang sisisihin ng nakararami. Ngunit, hindi ba nila naisip na hindi magkakaroon ng pagbaha kung hindi dahil sa kagagawan nating mga mamayan? Wala naman kasing lilinisin ang ating gobyerno kung mayroon lamang sana tayong disiplina sa ating mga sarili. Masama pa nito, matapos nating magkalat, iaasa pa natin sa gobyerno ang paglilinis ng mga ito. At kapag hindi nalinis, isisisi na naman natin sa gobyerno. At kapag nagkaroon ng kalamidad tulad ng pagbaha ay aasa na namana tayo sa mga tulong na ibibigay n gating gobyerno. At sa aking palagay, isa ito sa mga dahilan kung bakit hindi umuunlad ang ating bansa dahil mas marami ang magaling umasa kaysa magaling magsikap sa buhay para magtrabaho. Marami ang umaasa sa gobyerno at kapag hindi pa nasunod ang gusto, magkakaroon pa ng mga pag-aalsa o “rally”. Isa lamang itong simbolismo natin. Mahirap at masakit man isipin, pero tanggapin na lamang natin na sirsang-sira na an gating kalikasan. Marahil ay marami na ang nakalimot sa ating misyon sa mundo, kung bakit tayo nabubuhay sa mundong ito, kung ano ba ang dapat nating gampanan sa ating lipunan. Marahil ay marami rin ang walang pakialam sa kanyang paligid. Ngunit, dadagdag pa ba tayong kabataan sa problemang ito? Tayo ba ay magiging parte ng problema o tutulong para malutas ang problema at maging parte ng solusyon? Ikatlo, nabanggit ko rin ang tungkol sa pagguho ng mga lupa. Sa aking palagay ito ay kasalanan ng mga “illegal loggers”. Siguro ay may ilang mga tauhan ng gobyerno ang responsable para sa mga illegal loggers dahil hindi rin nila pinaghihigpit ang pagpapatupad ng batas na tumututol sa iligal na pagpuputol ng puno. Sabihin na natin na pagdating ito ay parehas na may kasalanan ang ating gobyerno at ang ga mamamayan pero mas malaki pa rin ang kasalanan ng mga mamayan na iligal na nagpuputol ng puno. Ikaapat, polusyon sa tubig at hangin. Unahin na nating ang polusyon sa tubig. Ano ba ang nagiging dahiln ng pagkasira ng ating mga yamang tubig? Dynamite fishing? Illegal oil mining companies? Hindi ba’t purong mga mamamayan ang mga may kasalanan nito? Ilang lamang ito sa mga nagiging sanhi ng pagkasira ng ating mga coral reefs. Na nagiging sanhi ng pagkamatay ng isda dahil nawawalan na sila ng titirahan. Sa polusyon naman sa hangin, isa sa mga nagdudulot ay ang mga usok galing sa mga sasakyan, mga factories/makinarya, mga gas na tumatagas mula sa mga bagay-bagay na mayroong nakakapinsalang kemikal. Sino ba ang nasa likod ng mga ito? Hindi ba’t tayong mga mamamayan? Kaya bakit natin isisisi ang lahat ng ating pagkakamali sa ating gobyerno?Time to make some sense guise. Sino nga ba talaga ang dapat sisihin sa pagkasira n gating kalikasan? Ang mga opisyal ba ng gobyerno, o tayong mga mamayan nito? Sino ba ang nasa likod ng lahat ng mga polusyon na sumisira sa ating kalikasan? Imbis siguro na sisihin natin ang gobyerno natin, mas mainam siguro kung tutulong tayo sa ating gobyerno para mapag-ingatan at ma”preserve” ang ating kalikasan. Umpisahan na natin sa ating sarili. Kalikasan, Kapaligiran, Sama-sama nating linisin at sagipin.