Tayo Ang PAG-ASA NG BAYAN. - Dioselle Cabodoc

Tayo na!
May PAG-ASA pa!

         Di niyo ba alam kung bakit bumabaha? O alam naman natin pero wala tayong ginagawa? Sino ba ang nakikinabang sa mga yamang likas na ito? Mga tanong na kaya nating sagutan ngunit kaya ba nating panindigan? Tayong mga tao ay magaling magsalita pero kulang sa gawa. Magagawa ba ang isang mahirap na bagay kung iilan lamang ang tutulong sa kanila? Isa ka ba sa solusyon o isa ka ring problema?

          Madalas tayong binabaha pag ang bagyo ay dumating na pero hindi sana ito mangyayari kung hindi dahil sa sandamakmak na kalat na nahahakot ng ulan at nagiging sanhi ng paghihirap ng ating mga kababayan. Sa ating paaralan lunes hanggang biyernes binibigkas at nanunumpa tayo ng panatang makabayan ("dahil mahal ko ang pilipinas...") na mahal natin ang pilipinas ngunit natutupad nga ba? Minamahal nga ba natin ang bayan natin? Araw-araw tayong tinuturuan sa ating paaralan panahon na para ating simulan, hindi bukas, hindi mamaya, hindi sa isang araw. kundi ngayon na. Hindi pa huli ang lahat, sabi nga nila ANG KABATAAN AY ANG PAG ASA NG BAYAN. Alam nating magagawa ang isang bagay basta't sama sama tayo. Sa dinamirami ng kabataan ngayon imposibleng hindi natin magawa ang maisaayos ang ating kapaligiran. May mga nagsimula nang tumulong sa ating kalikasan ngunit kailangan pa nila ng mga myembro at tayo ang hinihintay nila. Kailangan natin ng disiplina para magtagumpay tayo sa ating layunin. Hindi naman kailangan maging mabigat ang pagtulong natin sa ating kalikasan. Bilang estudyante marami na tayong magagawa katulad ng pagrerecycle, pgsali sa mga organisasyon na makakatulong sa ating kalikasan at marami pang iba. Mulat na tayo sa mga nangyayari sa ating kapaligiran, hindi na tayo bata at kailangan na nating magsimulang maging responsable sa nangyayari sa ating kapaligiran dahil IKAW, AKO , SILA, TAYONG lahat ang maaapektuahan nito. kung hindi tayo magsisimula ngayon kailan pa? nasasaiyo na kung babaliwalain mo ito o mamumulat ka at gagawa ng paraan para tumulong sa inang kalikasan.